出外旅遊要小心...你的手機漫遊服務

itraptor

資料來源: 蘋果日報



" 智能手機嘅功能真係乜都有，好玩之餘，囍站 Sales阿豪仲話，其實 WM以及 Android智能機都暗藏收費危機；當中最令人「唔覺唔覺」嘅就係自動更新系統：「好多智能手機都提供天氣自動更新，雖然好方便，但萬一去到漫遊地區，佢仍然不斷幫你 Update，每次會收取數據費，條數好襟計！」



另外，好多香港人去到外國人生路不熟，都會慣性開個 Google Maps搵地方玩；阿豪話咁做仲食 Data，因每次開啟地圖，平均需要 5至 8MB，以漫遊式收費，咁就無咗幾嚿水！

另一名 Sales阿 K建議，臨飛前最好先將自動更新功能關閉，但因應唔同系統、唔同型號，使用方法亦有好大分別，事前最好了解多啲喇！以 iPhone為例，想完全關閉數據漫遊其實好簡單，只須進入「網絡」，並將「資料漫遊」設置為關閉就可以了。"

如你有任何電腦上的疑難, 請不妨聯絡我。我是VC，電郵地址是vc[@]itraptor.com

註: itraptor.com 是一間為香港中小型企業提供資訊科技方案的公司。如欲查詢更多有關我們的服務詳情, 請瀏覽我們的網站, 網址是 http://www.itraptor.com/

zoelee

上次返完大陸.收到電話費單成三千幾蚊.嚇死我啦...問返電話公司先知係漫遊數據費用,而我根本唔知乜事.原來係電話設定無調好...攪到自動上綱搜尋...好在間電訊公司最後免收我個三千蚊漫遊費咋..嚇死.